“Насаф” бугун чемпионатдаги иштирокини бошлайди
06 мар 2016 13:03
Новости
![](https://championat.asia/upload/storage/200671_original.jpg)
![](/upload/storage/200671_220.jpg)
“Насаф” бугун чемпионатдаги иштирокини бошлайди
Бугун “Марказий” стадионимизда расман XXV Ўзбекистон миллий чемпионати бошланади. Дастлабки тур доирасидаги учрашувда жамоамиз Ғузорнинг “Шўртан” жамоасига қарши майдонга тушади.
Бу йилда бўлиб ўтган Ўзбекистон Суперкубогида ва ОЧЛ 2-турида ғалаба қозонган жамоамиз иштирокидаги ўйинларга қизиқиш борган сари ортиб бормоқда.
Бугунги учрашув шунингдек “воҳа дербиси” мақомига ҳам эга.
“Шўртан” жамоаси билан бўладиган учрашувлар доимо кескин ва муросасиз кечган. Бугунги учрашувнинг қизиқарли яна бир томони шундаки, жамоамиз сафида илк марта майдонга тушадиган ўйинчилар ҳам бор, бунга черногориялик легионер – Деян Больевични мисол келтириш мумкин.
Яна бир қизиқарли факт, муқаддам жамоамиз сафида тўп сурган Ботир Қораев ва Кенжа Тўраевлар “Шўртан” сафида ўзларининг собиқ жамоасига қарши ўйнашлари мумкин.
Хуллас, мухлисларни бугун яна бир қизиқарли учрашув кутмоқда. “Марказий” стадион мухлисларга мунтазир. Ўйин учун ҳаммаси тайёр.
Мухлисларга яна бир марта эслатиб ўтамиз, учрашувга чиқарилган чипталар стадион қошидаги кассаларда сотуви давом этмоқда.
Барча футбол ишқибозларини “Марказий” стадионимизга чорлаб қоламиз. Стадионимизга марҳамат қилинг, чиройли футбол спектаклини томоша қилиб, мириқиб дам олинг.
ЎзПФЛ 1-тур. 6 март 2016 й.
“Насаф” (Қарши) – “Шўртан” (Ғузор)
Қарши ш. “Марказий” стадиони, 17:00да
Бош ҳакам: Ҳасан Рўзиев (Тошкент)
Қанот ҳакамлари: О. Абдувосилов (Тошкент), С. Шоюсупов (Тошкент),
Захира ҳаками: Д. Каримов (Тошкент)
Назоратчи: А. Хотамов (Тошкент).
ЎзПФЛвакили: Ш.Ражабов
Похожие новости
![AMP Logo](https://championat.asia/image/logo-amp.png)
Комментарии