"Наполи"нинг 19 ёшли футболчиси вафот этган бувисидан кечирим сўради

У жамоаси сафида А Сериянинг 36-турида СПАЛ га қарши ўйинда дебют қилди, аммо бир неча соатлардан сўнг унинг бувиси ҳаётдан кўз юмди. Napoli Today'нинг маълумотларига кўра, Гаэтанонинг яқинлари футболчининг муваффақиятини нишонлаш учун ҳовлига чиқишган. Қўшнилар эса шовқинни ёқтиришмаган. Улар футболчининг бувиси Кармела билан жанжаллашишган ва полицияга мурожаат қилишган. Кекса аёл эса юрак хуружидан вафот этган.

"Сиз менинг дебютимни кўрдингиз, лекин мен сизни охирги марта кўра олмадим. Ҳаммаси учун раҳмат. Кечиринг, сизни сўнгги бора кўриб, қучоқлай олмадим. Мен сизни яхши кўраман ва сиз доим менинг юрагимда бўласиз", - деб ёзади Гаэтано.

Эслатиб ўтамиз, "Наполи" СПАЛ устидан 2:1 ҳисобида ғалаба қозонди. Гаэтано қўшиб берилган дақиқаларида ўйинга қўшилган.