“Наполи” Кулибалига ўринбосар топди

“Наполи” жамоа ҳимоячиси Калиду Кулибалига ўринбосар қидиришда давом этмоқда. Неаполликлар бу йўлда “Лион” вакили Жейсон Денайер вариантига қизиқиб қолди. Ўтган мавсум бельгиялик 25 ёшли ҳимоячи барча мусобақалар доирасида 41 та ўйинда қатнашди, битта голли узатмани амалга ошириб, битта сариқ карточка олди. Унинг трансфери 12 млн еврога баҳоланмоқда.

Эслатиб ўтамиз, Кулибали тез орада “Манчестер Сити” сафига ўтиши кутилмоқда. Унинг трансферидан “Наполи” 75 млн евро ишлаб олиши мумкин.