“Наполи” Кулибали учун МЮдан оламшумул маблағ сўрамоқда

Англия жамоаси мутасаддилари неаполликлар билан музокара ўтказишга улгурган. Учрашув давомида “Наполи” президенти Аурелио де Лаурентис сенегаллик ҳимоячини 150 млн. еврога сотишини маълум қилган.

Кулибалининг “қизил иблислар” таркибига келиб қўшилишини клубнинг собиқ бош мураббийи Жозе Моуриньо ҳам хоҳлаганди. МЮнинг янги устози Оле-Гуннар Сульшер ҳам футболчини жамоада кўришга қарши эмас.

27 ёшли “Наполи” ҳимоячисига, шунингдек, “Барселона”, “Реал” ва “Челси” клублари қизиқиш билдирмоқда. Мазкур футболчи 2013-йилда “Генк”дан 13 млн. евро эвазига Италия клубига келиб қўшилганди.