МЮ скаутлари Антонини 29 млн еврога баҳолаган. Кейинроқ клуб футболчини 100 млн еврога сотиб олган

МЮ мураббийи Оле-Гуннар Сульшер бўлган даврда манчестер клуби скаутлари бразияликни 29 млн еврога баҳолаган. 2022 йил ёзида "Манчестер Юнайтед" "Аякс" билан музокаралар ўтказиб, Антони учун 69 млн евродан кўп тўламаслигини маълум қилади.

Бироқ трансфер ойнасининг охирги кунларида МЮ таркибни кучайтириши жуда зарур эди ва Антони учун 100 млн евро тўлаган.

"Манчестер Юнайтед" сафида вингер 63 та ўйинда 8 та гол ва 3 та голли узатмага муаллифлик қилди.