МЮ футболчиси Бразилия футболи тарихида сўнгги 100 йилда биринчи
18 авг 2018 20:54
Новости

МЮ футболчиси Бразилия футболи тарихида сўнгги 100 йилда биринчи

"Манчестер Юнайтед" ярим ҳимоячиси Андреас Перейра Бразилия терма жамоасининг АҚШ (8 сентябрь) ва Сальвадор (12 сентябрь)га қарши ўртоқлик ўйинларига чақирилди.

Бу ҳақда олдин хабар берган эдик.

22 ёшли Андреас охирги 100 йил ичида бошқа мамлакатда туғулиб Бразилия терма жамоасига чақирилган биринчи футболчига айланди.

Перейра Бельгиянинг Дюффел шаҳрида туғулган ва Бельгия U-15 ҳамда U-17 терма жамоаларида ўйнаган. Шундан сўнг Бразилиянинг 20 ва 23 ёшгача бўлган терма жамоаларига чақирилган.

Бельгияликлар бош мураббийи Роберто Мартинес футболчини асосий жамоага таклиф қилмоқчи эди. Лекин, ўйинчининг ўзи Бразилия терма жамоасида ўйнашга қарор қилди.

Бундан олдин фақат 3 нафар футболчи Бразилияда туғулмаган ҳолда шу мамлакат терма жамоасида тўп тепган.

1916 йилдан 1917 йилгача Сидней Паллен (Англия) ва Каземиро до Амарал (Португалия), 1918 йилда эса Франческо Полис (Италия) Бразилия терма жамоасига чақирилган.

Перейра МЮ академияси тарбияланувчиси ҳисобланади. У ижара асосида "Гранада" ва "Валенсия" жамоаларида ўйнашга улгурган.

Ссылка :

Источник : twitter.com/FourFourTweet

Получайте новости прямо в Telegram!

Рейтинг: +14