МЮ, "Челси" ва "Арсенал" Дисаси учун курашишади. "Монако" футболчисининг дастлабки нархи – 40 млн евро

"Монако" ҳимоячиси Аксель Дисаси учун МЮ, "Челси" , "Арсенал" кураш олиб боришади. Ҳозирги вақтда ушбу курашда МЮ устунлик қилмоқда. Эрик тен Хаг шахсан ўзи футболчини жамоага олиб келиш ниятида. Аввалроқ, Дисаси МЮга ўтиши борасида хабарлар тарқалганди.

Дисасига "Челси" ҳам қизиқиш билдирмоқда. Лондонликлар Кулибали "Ал Ҳилол"га ўтган тақдирда Дисаси билан шартнома имзолашга ҳаракат қилишади. "Арсенал" ҳам ҳимоячини қўлга киритишга ҳаракат қилади.

Қайд этиш жоизки, айни дамда "Монако"га бирор клубдан расмий таклиф келмаган. Клуб дастлаб энг камида 40 млн евролик таклифларни кўриб чиқади.