Мхитарян хавфсизлик сабаб “Карабах”га қарши ўйнамайди
01 окт 2018 23:07
Новости

Мхитарян хавфсизлик сабаб “Карабах”га қарши ўйнамайди

“Арсенал” ярим ҳимоячиси Генрих Мхитарян Европа Лигаси гуруҳ босқич 2-туридан ўрин олган “Карабах”га қарши ўйинни ўтказиб юборади, деб хабар бермоқда The Telegraph нашри.

Арманистонлик футболчи хавфсизлик нуқтаи назаридан Озарбайжонда ўтказиладиган учрашувга бормасликка қарор қилди. Икки мамлакат мана бир неча йилдирки, сиёсий зиддиятлар оғушида қолмоқда. Дипломатик алоқалар ҳам деярли амалга оширилмайди.

Таъкидлаш жоиз, жорий мавсум Европа Лигасининг финал учрашуви айнан Озарбайжон пойтахти Боку шаҳрида бўлиб ўтади. Агар “Арсенал” финалга қадар етиб борса, ҳал қилувчи учрашувда Мхитаряннинг хизматидан фойдалана олмайди.

Маълумот учун, “Карабах” -“Арсенал” учрашуви 4 октябрь куни Тошкент вақти билан соат 21.55да бошланади. Жорий мавсумда 29 ёшли Мхитарян “Арсенал” таркибида 7та ўйинда майдонга тушиб, битта гол киритди ва 3та голли узатмага муаллифлик қилди.