Мхитарян "Рома"нинг тўлақонли футболчисига айланди
31 авг 2020 23:14
Новости

Мхитарян "Рома"нинг тўлақонли футболчисига айланди

Арманистонлик Генрих Мхитарян "Арсенал" билан шартномасини бекор қилди.

Лондон клуби ва ярим ҳимоячи ўзаро келишувга кўра ўртадаги шартномани бекор қилди. Келишув 2021 йилнинг ёзига қадар давом этиши керак эди. Шу орқали хавбек "Рома"нинг тўлақонли футболчисига айланди. Ўтган мавсумда у римликлар таркибида ижара асосида 27 ўйинда қатнашди ва 9 гол ҳамда 6 ассист қайд этди.

31 ёшли Мхитарян бунга қадар "Шахтёр", Дортмунднинг "Боруссия"си ва "Манчестер Юнайтед" жамоалари таркибида ҳам ўйнаган. Арманистон термаси таркибида у 86 ўйинида 29 гол киритган.

Ссылка :

Источник : twitter.com/arsenal

Получайте новости прямо в Telegram!

Рейтинг: +2