Мухтор Қурбонов: "Қуръа ташлаш маросими оддий ўтди"

- Қуръа ҳақида нима дейишим мумкин? Ҳар йилгидек одатий тарзда ўтди. Ҳудди жорий мавсумдаги бўлгани каби келаси йил ҳам ўйинлар шу тартибда кечадиган бўлди. Фарқи шуки чемпионатда жамоалар сони 16тага етказилди.

- Тўғриси қуръа ҳақида ижобий ёки салбий фикр билдира олмайман. Унда олдиндан қайси рақиб тушишини билмаймиз. Шундай экан борича қабул қиламан.

- Албатта олий лигада осон ўйинларнинг ўзи йўқ. Жамоамиз учун ҳар бир баҳс ўта мураккаб кечишини ҳис қилиб турибман. Уйдаги учрашувлар ҳам енгил бўлмайди. Шунга яраша тайёргарлик кўришни мақсад қилганмиз.

- Чемпионатнинг илк турида "Нефтчи" билан ўйнайдиган бўлдик. Тўғри, бош мураббий сифатида шу куни дебютимни ўтказаман. Ҳар қандай мураббий дебочасида ютишни истайди. Фарғонадаги янги стадионда мухлислар тўлиб-тошиши турган гап. Бундай муҳитда футбол ўйнашнинг гашти бошқача. Ҳар икки жамоа футболчиларига бу завқ бағишлайди. Шуни айтишим мумкинки, биз нафақат ушбу ўйинга балки бутун чемпионатга жиддий тайёргарлик кўрамиз", - дейди Мухтор Қурбонов.


Исломбек Рустамбеков ёзиб олди.