Мурод Тўйчибоев: “Грузия жамоалари билан молиявий томондан келиша олмадик”

Ўтган мавсумнинг иккинчи қисмини “Сурхон”да ўтказган ҳимоячи Мурод Тўйчибоев фаолиятини Қирғизистон чемпионатида давом эттирадиган бўлди. У “Олой” клуби билан шартнома имзолади. Шундан сўнг Тўйчибоев янги жамоасига ўтиши борасида ўз фикрларини билдириб ўтди. 

“Олой”га ўтишим агентлар орқали амалга ошди. Ушбу клуб бош мураббийи томонидан менга қизиқиш билдираётгани маълум қилинди. Кейин эса “Олой”даги барча шароитлар билан танишиб чиқдим. Менга барчаси маъқул келди. Шундан сўнг “Олой” билан йил якунига қадар мўжалланган шартномага имзо чекдим. 

Тўғриси, Қирғизистон уйимга яқинлиги ва танлаган жамоам чемпионатнинг энг яхши жамоаси бўлгани боис ушбу жамоага ўтишга қарор қилдим. Чемпионат якунланганидан сўнг Грузиянинг икки жамоасидан ҳам таклиф бўлди. Бироқ биз молиявий томонлама келиша олмадик. Натижада, у ерга қайтишим амалга ошмай қолди. 

“Навбаҳор” билан ўйинда жисмоний ҳолат ҳам сезилди. Қолаверса, таркиб бутунлай янгиланган. Барибир савия сезилди”, - дея сўзини якунлади Тўйчибоев.