Мурод Исмоилов: “Вазиятларни якунлашда озгина совуққонлик етишмади”

Мурод Исмоилов (“Нефтчи” бош мураббийи): - Ўйин ҳар иккала жамоа учун ҳам оғир бўлиб ўтди. “Қизилқум” жамоаси Фарғонага яхши тайёргарлик билан келганлигини айтиб ўтишимиз керак. Ўйин ҳақида гапирадиган бўлсам, кўп имкониятлардан фойдалана олмадик. Шогирдларим бор кучлари билан ҳаракат қилишди. Бизга вазиятларни якунлашда озгина совуққонлик етишмади деб ўйлайман. Рақиб жамоа асосан қарши ҳужум тактикасида ҳаракат қилди.

- Бу ўйинда шогирдларимни айблай олмайман. Улар қўлларидан келганча ҳаракат қилишди. Бугунги ўйинда 3 очко учун майдонга тушгандик. Афсус ғалаба қозона олмадик.

- Захирадан майдонга тушганлар ичида Смоляченко ва Фомин ўйинга киришиб кета олишмади. Зоҳид Абдуллаевда бир қанча имкониятлар булди. Лекин у ҳам имкониятлардан фойдалана олмади.

- Жамоамизда ўйинни ўз қўлига оладиган етакчи уйинчи етишмаётгандек туюляпти. Мелзиддинов ҳам, Оника ҳам етакчилик ролини бажара олишмаяпти. Кейинги уйинларда ғалаба қозонишга ҳаракат қиламиз.


Комилжон Икромов ёзиб олди.