Мурод Исмоилов: "Агар ҳакамлар хато қилишса қўмитанинг ўзи жазо тайинлайди"

"Пахтакор" ва "Нефтчи" азалий рақиблар ҳисобланишади. Бугун ҳам муросасиз ўйин гувоҳи бўлдик. Бугун "Пахтакор"га қарши яхши тайёргарлик кўриб келгандик, - деб гап бошлади Исмоилов. 

Рақиб биринчи ўринда кетмоқда, шу боис ҳам биз биринчи бўлимда ҳимоявий тактикада ўйнадик. "Шерлар"ни ғалаба билан табриклайман.

Сардор Мирзаев йиқилган вазиятда мен ҳеч нима дея олмайман. Ҳакамларни кузатиб борадиган қўмита бор, агар хато қилинган бўлса айнан улар жазо беришади.

Мен ушбу клубда ишлаганимда аксарият футболчилар энди-энди шаклланиб боришаётганди. Ҳозир эса улар халқона айтганда пишиб етилишди дея оламан. Ўтган йилга қараганда хатолар анча камайгани кўриниб турибди.

Иккинчи давра олдидан Шукур Пўлатовни ололмадик холос. Қолган барча истаган футболчиларни қўлга киритдик.

Янги стадионимизда менимча бу йил ўйнамасак керак. Сабаби чим ёмон бўлиб кетиши мумкин. Аммо бу борада аниқ маълумот менда йўқ.

Фёдоров ҳам, Лебедев ҳам, Евстафеев ҳам менга қимматли маслаҳатлар бериб боришмоқда. Улар билан ишлаш мен учун ҳам маъқул келмоқда, - дейди Мурод Исмоилов.