Мурод Бобожонов: "Гол бўладиган вазиятни юрагим сезади"
21 сен 2015 13:00
Новости

Мурод Бобожонов: "Гол бўладиган вазиятни юрагим сезади"

“Нефтчи” – “Бунёдкор” (2:0) баҳсидан сўнг мезбонлар вакили Мурод Бобожонов ўз фикрлари билан ўртоқлашди.

Маълумот ўрнида, ушбу баҳснинг иккинчи голини айнан Бобожонов киритди.

- “Бунёдкор”га қарши қизиқарли ўйин бўлди. Яратганга шукур, ғалаба қилдик, - деб гап бошлади ҳужумчи. Фикримча, бугун “Нефтчи” яхши ўйнади. Муҳими керакли очко қўлга киритилди. Ғалабада ҳамманинг хиссаси бор. Йигитлар борини бериб ўйнади. Жамоавий ютуққа эришдик. “Бунёдкор” ҳам ёмон ўйнамади. Яхши жамоа шаклланган. Кейинги ўйинларда ҳам ижобий натижалар учун ҳаракат қиламиз. Билинки, “Нефтчи” ғалаба ва ўз мухлислари учун майдонга чиқади.

- Мурод, Сиз доим муҳим паллаларда гол уриш билан кўпроқ ёдда қоласиз. Умуман жамоадошларингизнинг таърифига кўра, голнинг исининг яхши сезасиз...
- Очиғи, гол бўладиган вазиятни юрагим сезади. Кейин омадга ҳам кўп нарса боғлиқ.

- Мурод Исмоилов сизга кўп ишонади...
- Мураббий менга ишонадими демак унинг ишончини оқлаш шарт. Бунинг учун ҳаракат қиляпман.

Ҳожиакбар Жабборов суҳбатлашди.

Ссылка :

Источник : championat.asia

Получайте новости прямо в Telegram!

Рейтинг: +2