Муҳсин Низомиддинов: "Ўртага Суперлига йўлланмаси тикилгани учун йигитларда босим кузатилди"

- Ўйин ҳақида

- Мухлисларбоп ўйин бўлди. Ўртага Суперлига йўлланмаси тикилгани учун йигитларда босим кузатилди. Оғир ўйин бўлишини кутгандик. Айрим футболчиларда шамоллаш бор эди, лекин шунга қарамай, футболчилар борларини бериб ўйнашди. Ҳаёт давом этади. "Қизилқум" жамоасини Суперлигада қолгани билан табриклаймиз. Мухлислардан узр сўраймиз. Улар қандай об-ҳаво кузатилмасин, бир йил давомида бизни қўллаб-қувватлаб туришди. 

- "Қўқон-1912" ниманинг ҳисобига мағлубиятга учради деб ўйлайсиз? Тажрибами ё чарчоқми? 

- Битта ўйинда ҳамма нарса бўлиши мумкин. Мағлубият сабаби озгина диққат-эътиборли бўлиш етишмади. Бошида диққат-эътиборни йўқотиб, кичик хатоларга йўл қўйдик.

- Санъат Шиховни нега асосий таркибда туширмадингиз? Жароҳати бормиди?

- Йўқ. Бир ойда 2 та ўйинда қатнашдик холос. Ўртоқлик ўйинлари ҳам бўлди, аммо бу расмий эмас. Жамоамизда вирус тарқалиши рўй берди. Санъат Шихов ҳам шамоллаб қолди. Асосий таркибда ўйнашга кучи етмайди деб, захирадан ўйинни кучайтиришга туширишни истагандим. 

- Анвар Ҳожимирзаевга бошқа жамоалардан таклифлар борми?

- Кўрамиз. Йигитлар билан шартномамиз бор. Анвар Ҳожимирзаев бошқа жамоада бундан ҳам яхши ўйнай олади, аммо "Қўқон-1912"нинг уни қўйиб юбориш нияти йўқ.