Муҳсин Низомиддинов: "90 дақиқа ҳужум қилдик, аммо тўп рақиб дарвозасига киришни истамади"
19 мар 2024 20:47
Новости

Муҳсин Низомиддинов: "90 дақиқа ҳужум қилдик, аммо тўп рақиб дарвозасига киришни истамади"

Теги : Қўқон-1912 Муҳсин Низомиддинов

Про лиганинг 2-туридан ўрин олган "Қўқон-1912" — "Бухоро" учрашувидан сўнг мезбонлар бош мураббийи Муҳсин Низомиддинов матбуот анжуманида иштирок этди.

- Ўйин ҳақида...

- Футболда ҳамма нарса бўлиши мумкин. "Бухоро"га қарши яхши тайёргарлик кўргандик. Бугун бизнинг кунимиз эмас экан. Рақибда битта вазият бўлди ва саросима натижасида гол ўтказиб юбордик. 90 дақиқа давомида ҳужум қилиб, вазиятлар яратдик, аммо "Бухоро" қўриқлаётган дарвозага тўп кирмади. Кейинги ўйинни "Арал"га қарши ўтказамиз. Бугунги ўйинни қайта кўриб чиқамиз. Хатоларимиз устида ишлаймиз. Про лигада дастлабки икки ўйинда ҳам ғалаба қозонишимиз мумкин эди. Кейинги ўйинларда фақат ғалаба учун майдонга тушамиз.

- Бундай натижалар қайд этилишида янги ўйинчиларнинг киришиб кета олмагани сабаб бўлиши мумкин...

- Таркибимиз 90 фоиз ўзгарди. Бу баҳона эмас. Бизда етарлича вақт бор эди. Қолаверса, жамоани 60-70 фоиз ёшартирдик. Футболчиларни ёмон деб бўлмайди. Улар ҳали бир-бирига мослашади. Ҳали энди иккита тур ортда қолди.

Ссылка :

Источник : championat.asia

Получайте новости прямо в Telegram!

Рейтинг: -2