Моуриньо Дания — Финляндия ўйини ҳақида: "Содир бўлган нарса хафа бўлиш эмас, хурсанд бўлиш учун сабабдир"
13 июн 2021 22:02
Новости

Моуриньо Дания — Финляндия ўйини ҳақида: "Содир бўлган нарса хафа бўлиш эмас, хурсанд бўлиш учун сабабдир"

Португалиялик мутахассис даниялик футболчи билан илгари "Тоттенхем"да бирга ишлаган.

"Рома"нинг янги бош мураббийи Жозе Моуриньо Евро-2020'нинг Дания — Финляндия ўйинида (0:1) ярим ҳимоячи Кристиан Эриксен билан юзага келган вазият ҳақида гапирди.

"Кеча нима бўлганлиги ҳақида ўйлашни тўхтата олмаяпман. Аммо содир бўлган нарса хафа бўлиш эмас, хурсанд бўлиш учун сабабдир. Футбол шу йўналишда ривожланаётганидан хурсанд бўлишимиз керакки, ўйинларни ташкил этиш, шифокорларнинг малакаси, хавфсизлик протоколлари, шунингдек, ўша пайтда барчасини кузатиб турган Худо Кристианга биз ва оиласи билан қолишга имкон берди.
Содир бўлган воқеа футболдан кўра муҳимроқ, аммо шу жараён футболдаги барча яхши томонларни намойиш эта олди: Севги, бирдамлик, оилавий руҳ. Оила деганда, нафақат Эриксенлар оиласи, балки бутун футбол оиласини назарда тутяпман.
Кеча ибодат қилдим, йиғладим, дунё бўйлаб миллионлаб одамлар ҳам шундай қилишди. Бундай одамлар кўп бўлганига ишонаман, чунки футбол инсонларни бирлаштиради.
Кеча футбол фожиали вазиятда бўлса ҳам одамларни бирлаштирди ва якунда биз Кристиан омон қолганидан ич-ичимиздан хурсандмиз.
Албатта, мен у билан гаплашолмадим, лекин Хейбьерг билан гаплашдим. Унинг кайфияти яхши эди. Унинг саломатлиги ҳақидаги янгиликлар яхши, шунинг учун бизда нишонлаш учун сабаб бор", — дейди Моуриньо.