Модрич Мбаппе ҳақида: "Клуб ҳар қайси футболчидан устун. Олдинда ЕЧЛ финали ва бу ҳозир энг муҳими"

– Мбаппе ҳақида сўрашга мажбурмиз
– Менимча, бу мавзуда гаплашишимизнинг ҳожати йўқ. Ҳозирда битта муҳим мавзу бор – Чемпионлар Лигаси финали. Бу ҳақида унутиш ва бошқа эсламаслик керак, бўлди.

– Сиз хафа бўлдингизми?
– Йўқ.

– Йўқ?
– Йўқ, чунки биз батафсил хабардор эмасдик. Шахсан мен бу масала бўйича айнан ниманидир кутмагандим. Бу ҳақида бутун йил давомида кўп гапиришди, аммо биз аниқ бирор нима билмасдик. Олдинда бизни ЕЧЛ финали кутиб турибди ва ҳозир шу энг муҳими.

"Реал" чўққида қолаверади, клуб ҳар қайси футболчидан муҳимроқ, у ким бўлишининг фарқи йўқ. Бу борада узоқ гапиришнинг кераги йўқ. 

Ўйлашимча жамоамизда зўр футболчилар тўпланган. Улар ажойиб мавсум ўтказишди ва қатор футболчилар янада ўсишга эришишлари мумкин. Келажакда улар буюк футболчилар бўлишлари мумкин.

– Сиз шартномангизни узайтириб бўлдингизми?
– Йўқ.

– Қачон?
– Умид қиламанки, яқинда.

– Келишувга эришилганми?
– Йўқ, ҳозирча клуб билан баъзи деталлар борасида гаплашяпмиз. Ҳар икки томон ҳам позитив руҳда эртанги кунга қарамоқда.

– Фақат Мбаппе қилган ишни такрорламанг!
– Албатта, ундай қилмайман. Умид қиламанки, клуб ҳам менга нисбатан ундай муносабатда бўлмайди. Хазил, албатта. Клуб ва менинг муносабатим ажойиб, қандайдир муаммо келиб чиқади деб ўйламайман, – деди ярим ҳимоячи.