Мирзоҳид Ғофуров: "Бунёдкор" билан дуранг биз учун ғалабага тенг бўлди"
01 апр 2016 07:39
Новости

Мирзоҳид Ғофуров: "Бунёдкор" билан дуранг биз учун ғалабага тенг бўлди"

"Бунёдкор" - "Машъал" (0:0) учрашувидан сўнг меҳмонлар ярим ҳимоячиси Мирзоҳид Ғофуров ўз фикрларини билдирди.

"Қийин ўйин бўлди. Биз Тошкентга очко олиш учун келгандик. Кетма-кет икки мағлубиятдан сўнг бизга бугунги дуранг керак эди. Дуранг ҳам биз учун ҳозир ғалабага тенг. Учрашув давомида энг асосийси гол ўтказиб юбормаслик керак, агар гол ўтказмасак бугунгидек камида бир очко олишимиз мумкин. Собиқ клубимга қарши баҳс қизиқарли бўлди. Кўпчилик йигитларни жуда яхши танийман. Рақиб ҳам, биз ҳам ғалабани истадик, шу боис ўйин кескин ва қўполликларга бой кечди менимча. Лекин буларнинг бари майдонда қолади ва учрашув тугагач яна ака-укадек бўлиб кетамиз", - дейди Мирзоҳид Ғофуров.