Миржалол Қосимов Азамат Исроилов нима учун Бокуга учмаганини изоҳлаб берди

Бу ўйинга 23 нафар футболчи чақирилганди, лекин Миржалол Қосимов 20 нафар ўйинчи билан Бокуга жўнаб кетди. Таркибдан “Олмалиқ” футболчилари Азамат Исроилов билан Диёр Туропов, шунингдек “Нефтчи” дарвозабони Абдумавлон Абдужалилов тушиб қолишди.

Маълумки, Осиё ўйинларида иштирок этадиган Ўзбекистон терма жамоаси июль ойи охирларида Тошкентда тўққиз кунлик йиғин ўтказганди. Ўшанда олий лиганинг тўртта клубига қарши бўлиб ўтган ўртоқлик учрашувларида “Олмалиқ” ҳимоячиси Азамат Исроилов яхши таассурот қолдирганди. Бироқ у Озарбойжонга кетмади. Бунинг сабабини эса терма жамоамиз устози Миржалол Қосимов қуйидагича тушунтириб берди:

“Тўғри, олдинги ўйинларда Азамат Исроилов ўзини кўрсатганди, бироқ ўша йиғинимизда Даврон Ҳошимов иштирок этмаганди. Шу боис бу сафар “Пахтакор” ҳимоячисини синаб кўришга қарор қилдим. Осиё ўйинларигача ҳали вақт бор, шундай экан, ҳали ҳеч ким якуний рўйхатдан тушиб қолгани йўқ. Инчонга бориш учун ҳаммада имконият бор”.

Х.Холиқов.