Миржалол Қосимов: "Бунёдкор"да рақобат йўқ"
21 июн 2017 08:00
Новости

Миржалол Қосимов: "Бунёдкор"да рақобат йўқ"

Олий лиганинг 14-туридан ўрин олган "Бухоро" - "Бунёдкор" (4:2) учрашуви якунлангач ташкил этилган "қалдирғочлар" бош мураббийи Миржалол Қосимов ўз фикрларини билдирди.

"Бухоро"ни ҳақли ғалаба билан табриклайман. Биринчи бўлимдаги ўйинимиз умуман қовушмади. Иккинчи таймда ўзимизга келдик, аммо поезд кетиб бўлганди.

"Қўқон-1912"га қарши ўйиндан сўнг ўйинимиздан йигитлар ҳаёлан бугун ҳам ютиб бўлишганди. Жамоамизда рақобат йўқ, марказий ҳимоячиларимиз жуда бўш ўйнашди. Отабек Шукуров жиддий хато қилди, ҳимоячи бундай ўйнамаслиги керак. "Бухоро" 15 дақиқа ичида 3та гол уриб масалани ҳал қилиб қўйди.

Иккинчи давра олдидан таркибимизни кучайтирамиз. Чемиртаннинг тақдирини кейин ҳал қиламиз. Легионер олсак ҳам маҳаллий футболчилардан икки бош устун бўлиши керак. Агар ўзимизнинг йигитлардан устун бўлишмаса улардан наф йўқ.

Сиз айтгандек терма жамоада ўйнашга ҳар бир футболчи лойиқ. Иван Нагаев яхши формада эканлигини кўриш мумкин. Аммо терма жамоанинг мураббийлар штаби бор, қарорни улар қабул қилишади. Менимча ҳозир Нагаев ҳам чақирувга лойиқ, - дейди Қосимов.

"Бунёдкор" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +45