Милинкович-Савич “Лацио” билан янги шартнома бўйича келишиб олди

“Лацио” ярим ҳимоячиси Сергей Милинкович-Савич жамоа билан 2023 йил ёзигача мўлжалланган янги шартнома имзолайдиган бўлди. 23 ёшли футболчининг маоши эса йилига 3,2 млн еврони ташкил этади. Унинг товон пули аввалгидек 100 млн евро сифатида қолади. Аввалроқ римликлар товон пули миқдорини 150 млн еврога кўтармоқчи эканлиги хабар қилинганди. Ёзги трансферлар вақтида Сергеyга “Милан”, “Реал”, “Манчестер Юнайтед”, ПСЖ, “Ювентус” ва “Челси” каби клублар “оғиз солиб кўрди”. Милинкович-Савич “Лацио” сафида 2015 йилдан бери тўп тепиб келмоқда. Ўтган мавсумда у А сериянинг 35 та учрашувида қатнашиб, 12 та гол урди ва 3 та голли узатмага муаллифлик қилди.