Милик ва Гулям машғулотларни бошлашди
16 янв 2018 00:58
Новости

Милик ва Гулям машғулотларни бошлашди

“Наполи” ҳужумчиси Аркадиуш Милик ҳамда ҳимоячи Фаузи Гулям жароҳатларидан фориғ бўлиб, жамоа машғулотларига қайтишди.

Неаполликлар иккинчи даврадан кучли таркиб билан ўйнай бошлашади. Бундан ҳаммадан ҳам “Наполи” бош мураббийи Маурицио Сарри хурсанд бўляпти.

“Жамоамиз мухлислари учун ажойиб янгилик! Милик ва Гулям жароҳатларидан фориғ бўлишди. Улар машғулотларни бошлашади”, – дея бош мураббийнинг сўзларидан иқтибос келтирмоқда “Наполи” клуби расмий сайти.

Маълумот учун, Аркадиуш ва Фаузи жароҳат сабаб мос равишда 4 ҳамда 2 ой давомида “Наполи”га ёрдам бера олишмади.