Игорь Сергеев: "Олдимиздаги энг биринчи вазифа — гуруҳдан чиқиш"
18 янв 2024 23:12
Новости

Игорь Сергеев: "Олдимиздаги энг биринчи вазифа — гуруҳдан чиқиш"

Ўзбекистон терма жамоаси Осиё кубоги гуруҳдаги дастлабки ғалабасини Ҳиндистон устидан қўлга киритди (3:0).

Учрашувда терма жамоамизнинг иккинчи голига Игорь Сергеев муаллифлик қилди. Ўйиндан сўнг микст зонада ҳужумчининг фикрлари билан қизиқдик.

"Энг муҳими ғалаба қозондик. Қийин ўйин бўлди. Биринчи бўлимда вазиятларимизни голга айлантирдик. Яна бир муҳим нарса гол ўтказиб юбормадик. Ўйиндан ўзимизга керакли хулосалар олдик. Йигитлар юз фоиз кучларини ишга солди. Энди кейинги учрашув ҳақида ўйлашни бошлаймиз",- деди Игорь Сергеев.

- Австралия билан ўйин ҳақида нима дея оласиз?

- Австралия кучли жамоа эканли барчага маълум. Майдонга чиқиш ва ютиш керак. Австралия билан ўйин режасини ҳали муҳокама қилганимиз йўқ. Чунки бор эътиборимиз бугунги ўйинга қаратилганди. Австралия билан ўйин қандай тугашини эса кўрамиз. Олдимиздаги энг биринчи вазифа гуруҳдан чиқиш.

Ссылка :

Источник : championat.asia

Получайте новости прямо в Telegram!

Рейтинг: +7