Мессининг биринчи имзолаган шартномаси кимошди савдосига қўйилди

1995–2000 йиллар келтирилган карточкада аргентиналик форварднинг фотосурати ва унинг имзоси бор. Ушбу вақт ичида Месси "Ньюэллс Олд Бойз" шарафини ҳимоя қилган.

Бу ҳужумчининг ҳужжатга қўйган дастлабки имзоси дея таъкидланади.

Айни вақтда картанинг бошланғич қиймати 10 минг долларга баҳоланган.

10 август куни ПСЖ Лионель Месси билан шартнома имзоланганини расман эълон қилди. Битим 2023 йилгача амал қилади.

Месси Каталония клуби тарбияланувчиси ҳисобланади. У 2004 йилда асосий жамоада дебютини ўтказган. "Кўк-анорранглилар" билан биргаликда у 35 та унвонни қўлга киритди. Форвард олти марта "Олтин тўп" соҳиби бўлган. Ўтган мавсумда у Испания чемпионатининг 35 учрашувида 30 та гол урди ва 9 та голли узатмани амалга оширди.