Месси қаторасига учинчи йил ЛаЛигада биринчи бўлди

Жорий мавсум аргентиналик юлдуз рақиблар дарвозасига 36 та гол урди. Шулардан 4таси пеналтидан, 6таси жарима зарбасидан киритилди. У шунингдек, 13 марта голли узатма берди. 2018/2019 йилги мавсумда энг яхши ассистентлар рўйхатида ҳам Лео "Севилья" ярим ҳимоячиси Пабло Сарабия билан бирга пешқадамликни қўлга киритди.

Қайд этиш керак, Месси ЛаЛига тўпурари бўлган барча мавсумда "Олтин бутса" соҳибига айланган:

2009-10 – 34 та гол

2011-12 – 50 та гол

2012-13 – 46 та гол

2016-17 – 37 та гол

2017-18 – 34 та гол

2018-19 – 36 та гол

Лионель Месси "Барселона" сафида ЛаЛига ўйинларида 419 марта дарвозани муваффақиятли ўққа тутган. Унинг каталонияликлар либосидаги илк голи 2005 йили "Альбасете" клубига қарши ўйинда киритилган.