Месси Поччеттино номзодини маъқуллайди, рўйхатда Аллегри ва Анри ҳам бор

Бу ҳақида "Diario Sport" хабар қилди. Жамоа президенти Жозеп Бартомеу аргентиналик мутахассисни клубда авлодлар алмашинувини амалга ошириши мумкин бўлган энг яхши вариант деб билади. Функционер Почеттинони январь ойида клубга олиб келмоқчи эди. Аммо спорт директори Эрик Абидалнинг фикри маъқул кўрилиб, Кике Сетьен олиб келинди.

Маълум бўлишича, Почеттино номзодини "Барселона" етакчиси Лионель Месси ҳар доим қўллаб-қувватлаган.

Аргентиналик мураббий 3 йиллик шартномага имзо чекмоқчи, аммо клуб "1+1" кўринишидаги битим таклиф қилишга тайёр.

Шунингдек, "Барселона" Нидерландия термаси устози Роналд Куман, италиялик Массимилиано Аллегри ва "Монреаль Импэкт"ни бошқараётган клубнинг собиқ футболчиси Тьерри Анри билан ҳам доимий алоқада бўлиб турибди. 

"Ал Садд"ни мураббийи Хави варианти бекор қилинди. Чунки испан "Барса"га қайтишни истамаяпти.

Аввалроқ Почеттино "Барса"нинг таклифини рад қилгани ҳақида хабар қилинганди.