Месси "Барселона"да қолишини маълум қилди

Манбанинг хабар беришича, футболчи бу ҳақда Каталония клуби президенти Жоан Лапортага айтган. 

Режага кўра, форвард 2022 йилнинг ёзигача мўлжалланган шартномага имзо чекади. Келишув кейинги йилда яна бир йилга узайтирилади.

33 ёшли Месси ўтган мавсумда "Барселона" учун барча мусобақаларда 47 ўйин ўтказиб, 38 та гол урди ва 14 та голли узатма қайд этди. Унинг клуб билан амалдаги шартномаси 2021 йилнинг 30 июнида тугайди.