Мело: "Бразилия термасида Мессининг оёғига навбат билан тепишни келишиб олгандик. У Роналдудан кучли"

"Месси - ноёб ўйинчи. Бразилия терма жамоасида унга қарши ўйнаганимизда унинг оёқларига навбат билан тепиш ҳақида келишиб олдик. Бу қийин иш эмасди, буларсиз ахир уни тўхтатиб бўлмасди. Бизда унинг оёғини синдириш мақсади йўқ эди, шунчаки тактик фоллар ишлатардик ва унга ҳалақит беришга уринардик.

Мен Пеле ҳақида ҳеч нарса дея олмайман, сабаби унинг ўйинларини кўрмаганман. 1990 йилда бўлиб ўтган Жаҳон чемпионатида Аргентина Канижининг голи эвазига Бразилияни мағлубиятга учратганини эслайман. Бразилияликлар Зикони ҳали ҳам энг зўри деб ҳисоблашади, аммо мен уни илк бор "Маракана"даги хайрлашув ўйинида кўрганман. Шу сабабли мен Пеле, Марадона ва Зикодек ажойиб ўйинчилар ҳақида ҳеч нарса дея олмайман.

Мен Мессининг ўйинини кўрганман ва бу ақлбовар қилмас. У сўзсиз Криштиану Роналдудан кучли, чунки Криштину 5та гол уриши мумкин, Месси эса шу 5тани уриши билан бир қаторда, шерикларига ҳам голли вазиятлар яратади. Шундай экан, Месси ундан кўра мукаммалдир", - дейди Мело.