"МДҲ Кубоги-2014". Дастлабки кунги ўйинлар

Жами 12та жамоа иштирок этаётган бу мусобақанинг илк ўйинида Эстония ва Тожикистон терма жамоалари ўзаро дуранг ўйнашди - 2:2. Бугун яна учта ўйин, шунингдек мусобақанинг тантанали очилиш маросими бўлиб ўтади.

Қуйида дастлабки кунги ўйинларнинг бошланиш вақти билан танишиб олинг. (Тошкент вақти).

24.01.2014
13:00 Эстония - Тожикистон 2:2
15:15 Украина - Қирғизистон 2:0
17:30 Литва - Санкт-Петербург
19:30 Очилиш маросими
20:00 Россия - Молдова


Учта гуруҳда қуйидаги жамоалар бош соврин учун кураш олиб боришади.
"А" гуруҳи: Эстония, Тожикистон, Украина, Қирғизистон.
"В" гуруҳи: Литва, Россия, Молдова, Санкт-Петербург терма жамоаси.
"С" гуруҳи: Латвия, Беларусь, Қозоғистон, Москва терма жамоаси. 

Эслатиб ўтамиз, 2013 йилги мусобақада Аҳмаджон Мусаев бошчилигидаги Ўзбекистон ёшлар терма жамоаси (1993 йилда туғилган футболчилардан иборат жамоа) иштирок этиб 7-ўринни эгаллаганди. Бу йилги мусобақада ҳам иштирок этишимиз кўзда тутилганди, бироқ Уммондаги Осиё чемпионати туфайли Ўзбекистон МДҲ кубогига бормайдиган бўлди.