Мбаппе: “Зиданнинг автомобилига чиққач, ундан: “оёқ кийимимни ечишим керакми?”, деб сўраганман”

“Дам олиш кунлари мени “Реал”да машғулот ўтказишга таклиф қилишгани мисоли Ойга парвоздек эди, у ерга боришни жуда ҳам хоҳлардим. Ўйинларимизни кўриш учун ҳар хил скаутлар келиб туришарди, мен ҳақимда ОАВда ҳам оз-моз ёзишган, аммо 13 ёшлигимда улар олдида ўзимни қандай тутишим кераклигини билмас эдим. 

Зидан билан учрашувимизни эса ҳеч қачон ёдимдан чиқармайман. Аэропортга етиб келганимиздан кейин, автотураргоҳда бизни Зидан кутиб олди ва базага олиб боришни таклиф этди. Автомобилга чиққач, ундан “оёқ кийимимни ечишим керакми?”, деб сўраганман. Нега бундай деганимни билмайман, лекин бу Зиданнинг машинаси эди, мен эса орзуим ушалди деб ўйладим”, – дейди Килиан Мбаппе.