Мбаппе “Реал” ҳақида: “Рақиб билан музокара ўтказишни истамайман”
07 фев 2022 09:30
Новости

Мбаппе “Реал” ҳақида: “Рақиб билан музокара ўтказишни истамайман”

ПСЖ ҳужумчиси Килиан Мбаппе “Реал”га ўтиши ҳақидаги гап-сўзларга жавоб қайтарди.

Парижликлар Чемпионлар Лигаси 1/8 финалида айнан “қаймоқранглилар”га қарши тўқнаш келади.

“Келажагим борасида ҳали бир қарорга келмадим. Чемпионлар Лигасидаги “Реал”га қарши ўйинлар кўп нарсани ўзгартириб юбориши мумкин. Ҳозир менда эркинлик бўлган тақдирда ҳам рақиб билан музокаралар олиб бормоқчи эмасман ёки шунга ўхшаш нимадир қилишни истамайман”, дейди Мбаппе.

Январ охирида французнинг “Реал”га ўтишга розилик билдиргани ва у йилига 50 млн евро ишлаб топиб, дунёдаги энг кўп маош оладиган футболчига айланиши айтилганди.

23 ёшли ўйинчи жорий мавсум ПСЖ либосида 30 ўйинда қатнашиб, 20+16 натижа кўрсатмоқда. Унинг клуб билан амалдаги келишуви ёзда тугайди.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +10