Мбаппе битта ўйинга дисквалификация қилинади. У "Барселона"га қарши майдонга тушиши мумкин

Килиан Мбаппе четлатилгани учун Ла Лиганинг бир ўйинига дисквалификация қилинади.  Ла Лиганинг 31-тури доирасида "Алавес"га қарши (1:0) ўтказилган ўйиннинг 38-дақиқасида "Реал" ҳужумчиси майдон марказида тўп учун кураш пайтида Антонио Бланконинг болдирига бутсасининг таг қисми билан билан зарба берди. Бош ҳакам Сесар Сото Градо дастлаб Мбаппега сариқ карточка кўрсатди, бироқ видеотакрорни кўргач, қарорини ўзгартириб, француз футболчига қизил карточка берди.

CОPE журналисти Аранча Родригуэзнинг хабар беришича, Мбаппе бир ўйинга - Ла Лига доирасида "Атлетик"ка қарши ўтказиладиган учрашувга дисквалификация қилинди. Агар бу хабар тасдиқланса, футболчи "Барселона"га қарши "Эл Класико"да майдонга тушиши мумкин бўлади.

Аввалроқ, Мбаппени ушбу қўполлик учун оғирроқ жазо кутаётган бўлиши мумкинлиги ҳақида хабар берилганди.