Маунт баҳонасида "Челси" МЮ футболчисини қўлга киритмоқчи

Гап шундаки, "Челси" "Манчестер Юнайтед"нинг Мэйсон Маунт борасидаги уч таклифига рад жавобини берди. Унга кўра, Лондон клуби футболчисининг трансферидан 65 млн фунт ишлаб олишни истамоқда. Аммо "аристократлар" нархни тушириш йўлини топди. Бунинг учун "Манчестер Юнайтед" Жейдон Санчони Лондонга жўнатиши керак бўлади. Айнан шу футболчи сабаблигина "Челси" Маунтнинг нархини пасайтиришга рози бўлмоқда.

Санчо ўтган мавсумда манкунианликлар сафида 26 ўйинда 6 гол ва 3 ассист қайд этди. У 2021 йил ёзида 85 млн евро эвазига Дортмунднинг "Боруссия"сидан "Манчестер Юнайтед"га кўчиб ўтганди.