Машраб Одилов: "Гуруҳимиздаги барча жамоалар бир-бирига жуда муносиб"
15 июн 16:45
Новости

Машраб Одилов: "Гуруҳимиздаги барча жамоалар бир-бирига жуда муносиб"

Теги : Машраб Одилов Ўзбекистон футзал миллий терма жамоаси

БМБ ва Ўзбекистон футзал миллий терма жамоаси футзалчиси Машраб Одилов сайтимизга кичик интервью берди

- БМБ жамоаси жорий мавсумда "олтин дубль" қайд этди. Мавсум жамоа учун қандай ўтди?

- Финал баҳси мухлисларга ёқди деган умиддаман. "Оил-Стар" жуда кучли жамоа эканлигини билар эдик. Финал бор йўғи битта учрашувдан иборат ва шу сабабли бугунги ўйин тенг курашлар остида кечди. Мавсум аввалида мағлубиятга учрадик. Қийин вазиятдан чиқиб кета олдик. Меҳнат эвазига ўз мақсадимизга эришдик.

- Яқинлашиб келаётган Жаҳон чемпионатидаги дастлабки рақибларимизни билиб олдик. Гуруҳимиз ҳақида нималар дея оласиз? Мундиалга уч ойдан камроқ вақт қолди. Тайёргарликни қачон бошлайсизлар?

- Бугун мавсум якунланди. Буёғига фақат терма жамоа ҳақида ўйлаймиз. Мундиалга кўп вақт қолмади. Гуруҳимиздаги ҳар бир жамоа бир-бирига жуда муносиб. Ким кучлироқ ва яхшироқ ўйин намойиш этса гуруҳда ғолиб бўлади.