Машҳур футболчиларнинг ҳаётини ўзгартириб юборган 7 аёл

Шу муносабат билан футболчиларнинг ҳаётида ижобий бурилишларга мажбур қилган аёллар ҳақида ҳикоя қиламиз.

Дэнни Костер ва Йохан Круифф

Кичик сабзавот дўкони эгасининг ўғли Йохан жуда шўх бола бўлган. У мисс Голландия-67 ва шаҳарнинг энг бой кишиларидан бирининг қизини севиб қолганида бу кўпчилик учун ғалати кўринган. Йохан масулиятсизлиги туфайли кийиниш хонасида чекарди ва оиласининг талабларига жавоб бермаган. Ўшанда Дэнни (қиз) футболчини тарбиялашга киришади. Бўлажак футболчининг севган ёри Йоханни ўз устида ишлашга мажбур қилади ва унинг барча молиявий ишларини бойвачча отасига топширади. Круиффнинг фаолиятини қайнотасининг назорати остида ўта бошлайди. Кўпчиликнинг фикрича, Йоханнинг хотини футболчининг ишларига хаддан ташқари кўп аралашган, аммо Круиффнинг ўзи бунга қарши бўлмаган.

Клаудия Вильяфанья ва Диего Марадона

Улар танишганида Марадона хатто 18 ёшга ҳам кирмаган эди. Узоқ йиллар яхши бўлган муносабатни футболчи бир неча маротаба бузиб юбориши мумкин бўлган. Клаудия Марадонанинг тарихдаги ролига тўғри баҳо бериб, уни кўп маротаба кечирган ва футболчига чегараларни белгилаб берган. Аммо бу ҳақида кейинроқ.

Аввалига Клаудия Марадона машғулотлар ҳақида унутиб қўймаслиги учун футболчи билан кўп урушган: 70 йиллар охирида Диего ўз келажагига ишонч билан қарамаётган эди. Кейинроқ Европага кўчиб ўтди, Неаполда унинг хотини юлдузнинг матбуот-котибаси ролини ижро этар ва мухлислар орасидан чиқиб кетишга ёрдам берарди. Клаудия Марадонанинг бошқа аёллар билан кўнгилхушлик қилишига чидаб, оиласини сақлади. 1994 йилда ошкор бўлган героин машмашаси ҳам оиланинг бузилиб кетишига сабабчи бўла олмади. Муносабатлар яна 10 йил давом этди ва Марадонанинг ўзи кетди. Аммо Клаудиянинг таъсири ҳеч ҳам йўқолгани йўқ: Улар дўст бўлиб қолишди, унинг хотини афсонавий аргентиналикнинг агентига айланди.

Хелен Сведин ва Луиш Фигу

Хелен - футбол дунёсига кирган биринчи топ-моделлардан ҳисобланади. У эрининг фаолияти билан жиддий шуғулланган. Улар учрашишни бошлаганида, Фигу "Барса"да бешинчи йилини ўтказаётган эди. Хелен эрининг "Реал"га ўтишига қарши бўлмади ва Фигу Испаниядаги энг ёмон инсонга айланди. Бошқа томондан, у ўзининг совринлар музейига 2 та Испания чемпионати олдин медали ва Чемпионлар кубогини қўшиб қўйди.

Хелен Англияга кўчиб ўтишга рози бўлмаган ва Луишни таклифни рад этишга кўндирган эди. Жуфтли ёмон об-ҳаво ва зерикарли инглиз ҳаётидан кўра Миланни танлашди. Хелен у ерда модель бўлиб ишлашни давом эттирди, Фигу эса "Интер" билан тўрт йилда еттита соврин қўлга киритди ва фаолиятини якунлаб, клуб элчисига айланди. Бу жуфтлик ҳозиргача мавжуд ва улар айни дамда Миланда истиқомат қилишмоқда.

Виктория Бекхэм ва Дэвид Бекхэм

Муҳокамали савол, Spice Girls собиқ хонандасининг таъсири Бекхэмни қанчалик ўзгартирди. Сэр Алекс Фергюсон бир куни, ОАВнинг хаддан ортиқ эътибори ва имижга билан шуғулланиши Дэвиднинг ўйнашига ҳалақит қилишини айтган. Бутса улоқтирилган машҳур воқеа айнан шу сабаб туфайли юзага келган. Аммо Бекхэм мураббий билан суҳбатлашмади ва "Реал"га сотилиб, поп-юлдузга айланди. У Испания чемпионатида ғолиб бўлди ва фаолиятининг охирида Франция чемпионати ҳамда MLSда бир нечта соврин қўлга киритиб, ўз кийимлари коллекциясига асос солди. Лондонда Олимпиада ўтиши учун чиқиш қилди. Яқинда у кинода ҳам суратга тушишни бошлади. Футболда олиш мумкин бўлган барча нарсага эга бўлган Бекхэм, футболдан кейин ҳам зерикиб қолмади ва машҳурликнинг янги даражагасига чиқди.

Хелена Сегер ва Златан Ибрагимович

Модель ва молиячи. Хелен Сегер болалигидан бир нарсани аниқ биларди: Фақат ташқи кўриниш билан ҳеч нарсага эришиб бўлмайди. Шу сабабли фотосессиялар ўртасидаги танаффусда иқтисод дарсларига борди ва маркетинг соҳасида ишга кирди. У Златан билан кўчада танишиб қолган. Ўшанда Хелен машинасини нотўғри қўйган Ибрагимович билан уришиб кетади ва бошқариб бўлмас югослав у учун муносиб чақирувлигини ҳис қилади. Муносабатлар секин ва қийинчилик билан ривожланади, чунки Сегер Златандан доимо ўз устида ишлашни талаб қилади. Златан кийиниш услубини, севимли ресторанлари ва машиналарини ўзгартиради. У ўзини оммага қандай намойиш этишни ўрганди, матбуот билан мулоқот услубини ривожлантирди.

Шакира ва Херард Пике

Шакира футболчига қийинчиликларни енгиб ўтишни ўргатди. Аввалига улар муносабатларини яширишга уринишди ва папарацциянинг ов обьектига айланишди. Пикега матбуот томонидан бўлган катта эътибор унинг машғулотларига ҳалақит қиларди, у хатто "Барселона" асосий таркибидаги жойини йўқотиб қўяди. Гвардиола футболчидан шахсий ҳаётидаги муаммоларни ҳал қилишини айтганида, Шакира ва Пике муносабатларини яширмасликка қарор қилишади. Кейин болалигидан ОАВ эътиборида бўлган хонанда футболчининг имижи устида ишлашни бошлайди. Футболчининг ҳазил туйғуси "Твиттер"да намоён бўлди. Пике медиа юлдузга айланди. Унинг ўқувчилари сони ҳозир ҳам Шакираникидан кам (14 млн. - 43 млн.), аммо фарқ борган сари камайиб бормоқда. Шакира спортга зарар етакзмай футболчига медиа шахс бўлишда ёрдам берган ягона аёл ҳисобланади.

София Бальби ва Луис Суарес

Яхши таъминланган оиланинг қизига камбағал йигит ошиқ бўлса, бу яхшиликка олиб бормаслиги мумкин. София Луисдан ўсишни талаб қилди ва футболчилик фаолиятини ривожлантириш учун Европага кўчиб ўтиш кераклигини айтади. Суаресни назорат қилиб туриш учун София ҳам бошқа қитъага кўчиб ўтади. У Барселонада ишлаб, ўқиб, охири йўқ қўнғироқларга жавоб берди. Луис эса машғулотларда тер тўкиб, севган ёри билан бирга бўлишга интиларди. Бир йил ўтиб уни Голландиянинг "Гронинген" клуби сотиб олади. Барселонагача ҳали узоқ эди, аммо аввалгидан яқинроқ. Ҳозир Суарес деярли ҳар бир интервьюсида Софиядан қарздор эканлигини айтади.