RU

Последние новости

15:15Факт: "Нефтчи" 17 йилдан буён меҳмонда "Қизилқум"ни юта олмаяпти  0 14:52“Нефтчи” академияси фаолиятини бошламоқда!  1 14:20Месси туғилган кунини нишонлади, Араухо уйланди, ПСЖда "ойлик чиқди". Футбол юлдузлари ҳафтани қандай ўтказди?  2 14:10Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз"  1 13:54"Динамо" бир киши кам бўлиб "Қўқон-1912"ни ютган учрашувдан галерея  2 13:28Гвардиола Грилишнинг кам ўйнаётгани сабабини айтди  0 12:56Милан Митрович: “Футбол ҳаётга ўхшайди — ҳамма нарса режадагидек кетавермайди”  1 12:50Симоне Инзаги: "Пеп Гвардиола - энг зўри"  2 12:22Исломбек Исмоилов: "Нефтчи"га вилоят ҳокимининг таклифи билан келдим"  10 12:12Рафинья Нико Уильямс ҳақида: "Юқори сифатли футболчи"  2 11:44"Астон Вилла" "Челси" ва "Арсенал" қизиқаётган футболчиси учун 100 млн фунт талаб қилмоқда  1 11:16"CAFA Nations Cup" мусобақасида 8 терма жамоа иштирок этади  6 10:50Винисиуснинг талаблари маълум. Унинг талабларини “Реал“ қабул қилишга тайёр эмас  14 10:20“Рома“ ҳужумчисига Россиядан таклиф бор  0 09:51“Ньюкасл“ Жанубий Корея терма жамоаси аъзоси билан шартнома тузмоқчи  0

Машарипов ОЧЛ баҳси олдидан интервью берди Новости

Машарипов ОЧЛ баҳси олдидан интервью берди

16-17 октябрь кунлари Осиё чемпионлар лигасининг чорак финал ўйинлари бўлиб ўтади.

Нимчорак финалда Эроннинг "Тракторсози" клубини 1:0 ҳисобида мағлуб этган Саудия Арабистонининг "Ал Насср" клуби 1/4 финални БААнинг "Ал Ваҳда" жамоасига қарши ўтказади. Мазкур баҳс эртага Саудия Арабистони пойхати Ар Риёдда бўлиб ўтади. 

Хабарингиз бор, Жалолиддин Машарипов айни пайтда "Ал Насср" сафида ҳаракат қилмоқда. Эртага бўлиб ўтадиган муҳим беллашув олдидан футболчимиз ОФК расмий сайтига интервью берди. 

Машарипов ўтган йил "Пахтакор" таркибида ОЧЛ чорак финалида "Персеполис"га қарши майдонга тушиб қизил карточка олганди. Моҳир ярим ҳимоячи ўз интервьюсида ўша баҳсни ёдга олди. 

"Бу жуда қийин учрашув бўлганди. Ярим финалга чиқиш учун астойдил ҳаракат қилиб, афсуски, якунда мағлуб бўлганмиз. Бунинг устига мен қизил карточка олиб, жамоадошларимни қийин аҳволга солиб қўйгандим. Ўйиндан кейин жуда тушкун вазиятда эдим, лекин бундан яхшигина сабоқ олдим. Майдонда қанчалик кучга тўлиб ҳаракат қилма, барибир ҳиссиётларни жиловлашга тўғри келади". 

Машарипов шунингдек, эртанги рақиб ҳақида ҳам фикр билдирди: 

"Ал Ваҳда сюрпризларни севадиган жамоа ҳисобланади. Улар бу йилги ОЧЛни яхши ўтказмоқда. Ёзда "Ал Ваҳда" бир нечта яхши футболчилар билан шартнома имзолади ва ҳозирги пайтга келиб анча кучайган". 

"Биз эртанги беллашувга тайёрмиз. Барчанинг диққати фақат шу ўйинга қаратилган. Жамоамизда ажойиб футболчилар йиғилган ва йигитлар билан бемалол ОЧЛни ютишни удлаласа бўлади". 

Жалолиддин Машарипов ўз интервьюсида Ўзбекистон ва Саудия Арабистонини солиштирди: 

"Ўзбекистон ва Саудия Арабистони кўп жиҳатдан бир-бирига ўхшаб кетади: масалан, манадият ва дин. Биз ҳаммамиз мусулмонмиз. Бу ҳам янги клубимга кўникишда ёрдам берди. Бундан ташқари жамоадошларим доим қўллаб туришди. Мен тезда "Ал Насср"га киришиб кетдим, бу ерда мени жуда яхши кутиб олишди. Мен мухлисларга ҳар бир ўйинда бор кучим билан ҳаракат қилишга ваъда бераман, шунингдек, барчамиз мухлисларимиз орзусини рўёбга чиқаришга интиламиз". 

P.S. ОЧЛ чорак финал жуфтликлари қуйидагича кўриниш олган: 

16 октябрь. "Персеполис" (Эрон) - "Ал Ҳилол" (Саудия Арабистони)

16 октябрь. "Ал Ваҳда" (БАА) - "Ал Насср" (Саудия Арабистони)

17 октябрь. "Чонбук Моторс" (Жанубий Корея) - "Ульсан Хюндай" (Жанубий Корея)

17 октябрь. "Поханг Стилерс" (Жанубий Корея) - "Нагойя Грампус" (Япония)

Чорак финал баҳслари битта ўйиндан иборат бўлади. 

Рейтинг: +10   

Комментарии

championat.asia
< посмотреть последние новости
Яндекс.Метрика