"Машъал"га бефарқ бўлмаган мухлислар диққатига!

Ушбу учрашувда клуб стадионга ташриф буюрувчи мухлисларни рағбатлантиришни мақсад қилган. Энди "Машъал" жамоасини уй учрашувларига ташриф буюрган ва чипта харид қилган барча мухлисларга ўзига хос бепул алоҳида чипталар тақдим этилади. Бу чипта ёрдамида сиз уй учрашувида тақдим этиладиган клубнинг 9 та совғаларидан бирига эга бўлиш имкониятини қўлга киритасиз.

Кириш чиптасига қўшимча тарзда тақдим этилган омадли чипта соҳиблари ўз рақамларига эга бўлади. Шундан сўнг баҳснинг танаффус вақтида ютуқли ўйин бўлиб ўтади. Лототрондан олинган рақамга қайси мухлиснинг қўлидаги махсус чипта тўғри келса совғалардан бирини эгасига айланади. Қоидалари жуда оддий ва тушунарли. Бунинг учун фақат стадионга ташриф буюриш ва чипта олиш кифоя.

Эслатма учун ҳар бир сотиб олинган чиптага қўшимча омадли чиптадан олиш эсдан чиқмасин.