"Машъал": Ёшларимиз "Металлург"га имкониятни бой берди

Учрашувнинг 16 дақиқасида Сирожиддин Раҳматуллаевни қанотдан ошириб берган пасидан сўнг Жасур Бобоев боши билан тўпни дарвозани юқори бурчагига жойлаб қўйди.  25 дақиқада Жамшид Хасанов бирга-бир вазиятда тўпни дарвозабонга олдириб қўйди.  Кичик ташаббусга эга бўлган майдон эгалари бошқа тўп киритишни уддалай олмади.  
Иккинчи бўлим меҳмонларнинг катта ташаббуси билан ўтиб,  ҳужум чизиғида Шоҳназар Норбеков ва Зоҳид Абдуллаев жуда ҳам ёрқин ўйин кўрсатди.  68 дақиқа чап қанотдан кучли зарба билан Зоҳид Абдуллаев тўпни дарвозага жойлаб қўйди.  Шундан сўнг босимни тўхтатмаган меҳмонлар 79 дақиқада ҳимоячи ва дарвозабон ўртасидаги тушунмовчиликдан сўнг яна бир бор Абдуллаев осонлик билан иккинчи тўпини ҳам киритди.  Учрашувда бошқа ҳисоб ўзгармади ва ёшларимиз мавсумдаги учинчи мағлубиятини қабул қилиб олди.

Айни вақтда ёшларимиз очколари сони 31 талигича қолди ва турнир жадвалида тўртинчи поғонада қолди.  

Ёшларимиз кейинги учрашувни сафарда "Олмалиқ"қа қарши ўтказади.  

Ёшлар лигаси,  18-тур.
«Машъал» (Муборак) – «Металлург» (Бекобод) – 1:2. 169 томошабин.
Ҳакамлар: Р. Лутфулин (Тошкент) – 8,4, Ф. Усмонов – 8,0, З. Элибоев – 8,0,
Назоратчи: И. Шарипов (Бухоро).
Голлар: Ж. Бобоев (16) – З. Абдуллаев (68, 79).
Огоҳлантиришлар: Ғ. Комилов (33) – Ш. Норбеков (53), Ю. Очилдиев (70).

«Машъал»: 35.Жавоҳир Илёсов (c), 15.Искандар Шойқулов, 16.Холмурод Холмуродов (32. Жонибек Мирзақулов 46), 27.Сирожиддин Раҳматуллаев (4. Юнус Очилдиев 60, 47. Темур Мифтахитдинов 80), 28.Марадона Сафаров, 29.Сардор Абдураимов, 36.Абдулло Набиев, 43.Сирожиддин Аллаев (44. Муҳаммадали Алиқулов 70), 45.Ғиёс Комилов, 46.Жасур Бобоев (39. Нажмиддин Қувончиев 65), 48.Жамшид Ҳасанов (40. Азиз Файзиев 46).