"Машъал": "Шўртан"га қарши тайёргарлик бошланди
14 мар 2017 12:41
Новости

"Машъал": "Шўртан"га қарши тайёргарлик бошланди

Хабарингиз бор "Машъал" олий лиганинг 3-тур баҳсини Ғузорда “Шўртан” жамоасига қарши ўтказади.

Ортда қолган икки турдан кейин жамоа ҳисобида ҳозирча уч очко мавжуд. Илк турда чемпион "Локомотив"га имкониятни бой берган "Машъал" кейинги турда "Металлург"ни мағлуб этди.

Ғузор жамоаси ҳам худди "Машъал" сингари уч очкога эга. Илк турда "Нефтчи"ни мағлуб этиб, 2-турда, Самарқандда "Динамо"га мағлуб бўлди. Имкониятлар тенг бўлган икки жамоанинг баҳси қизиқарли бўлиши шубҳасиз.

Эслатиб ўтамиз воҳа дербиси доирасидаги баҳс 18 март куни Ғузор шаҳридаги "Ғузор" стадионида бўлиб ўтади.