"Машъал": Рекорд муборак Эрматов!

Голландия ва Коста-Рика терма жамоалари ўртасида бўлиб ўтган учрашувда Голландия терма жамоаси пенальтилар сериясига кўра ярим финалга йўл олди. Биз учун ўта аҳамиятли бўлгани эса, ушбу учрашувни яна бир бор ўзбекистонлик ҳакамлар гуруҳи бошқариб боргани бўлди.

Равшан Эрматов ушбу чемпионатдаги тўртинчи учрашувини бошқариб борди. ЖАР да ўтган чемпионатда эса бешта учрашувни бошқариб борган ҳакамимизни мундиалда бошқарган учрашувлари 9 тага етди ва жаҳон рекордини ўрнатди.

"Машъал" ПФК ўзбекистонлик ҳакамлар гуруҳини ушбу катта муваффақият билан чин юракдан муборакбод этади. Ўзбекистон футболи ва номини ёйишда мана шундай ҳакамларимиз борлиги бу бизнинг фахримиздир. Эрматовдек ҳакамлар Олий лигамизда бундан ҳам кўп бўлишини ва футболимиз ривожида меҳнат қилишини тилаймиз.  Эрматовнинг ҳар бир учрашувдаги адолатли қарорлари барча ўзбек мухлисларини қувонтирмоқда. Эрматов ҳали ўзи ўрнатган рекордни бундан ҳам кўпроқ қилиб яхшилашига ишонамиз!

Рекорд муборак Эрматов !!!