“Машъал” – “Навбаҳор” учрашуви рақамларда

Энг кам: “Машъал” – “Навбаҳор” учрашувида бош ҳакам чўнтагидан бир бор сариқ карточка олишга мажбур бўлди холос. Бу беллашув 4- тур ўйинлари орасида энг кам огоҳлантириш ишлатилган учрашувга айланди.

Энг ёмон: Учрашувни бошқарган бош ҳакам Темур Тўхтасиновнинг иши назоратчи томонидан 7,7 баллга лойиқ топилди. Андижонлик рефери 4- турда ҳамкасблари орасида энг кам баҳо олди.

1- Ярим ҳимоячимиз Дилшод Жабборов Ўзбекистон чемпионати доирасида “Навбаҳор”нинг меҳмонда урилган биринчи голига муаллифлик қилди.

2- Муборакда ўтказилган ўзаро ўйинлар тарихида 2:1 ҳисоби иккинчи маротаба қайд этилди. Биринчи бор худди шу ҳисоб 2005- йилда кузатилган. Ушбу ўйинда сариқ карточка олган ҳимоячимиз Азиз Ғуломхўжаев мавсумда иккинчи маротаба огоҳлантириш ишлади. Учрашув бош ҳаками Темур Тўхтасинов учун “Машъал” – “Навбаҳор” учрашуви Олий лига ушбу мавсумида бошқарган иккинчи ўйини. Эътиборлиси, Тўхтасинов ҳар икки ўйинда ҳам саккиз баллдан паст бахоланган.

3- Дилшод Жабборов “Навбаҳор”нинг Ўзбекистон чемпионати ушбу мавсумидаги учинчи голига муаллифлик қилди. Тўрт ўйинда майдонда тўлиқ ҳаракат қилган Учта футболчимиз

4- Тўртинчи турдан сўнг ҳали ғалаба қозонмаган жамоалар тўртта қолди. “Навбаҳор”дан ташқари “Шўртан”, “Обод” ва “Сўғдиёна” ҳам муваффақият қозона олишмаган.

5- “Машъал”нинг Ўзбекистон чемпионатида урган голлари сони бештага етди.

6- “Лочинлар”нинг Муборакдаги беллашувдан сўнг чемпионатдаги ўтказиб юборган голлари энди олтитани ташкил этмоқда.

7- Ҳисобида сариқ карточкаси бор футболчиларимиз еттита бўлди

8- Саккиз йилдан буён “Навбаҳор” муборакликлар майдонида ўз дарвозасидан икки ва ундан ортиқ тўп ўтказиб юбормоқда.

9- Мусобақа пешқадами билан жамоамиз орасидаги очколар фарқи 9 тани ташкил этмоқда.

10- Чемпионатимиздаги ўнта жамоа меҳмонда уч очко ишлай олишмади.

12- Ўн икки йилдан буён жамоамиз “Машъал” майдонидан ғалабасиз қайтмоқда.

13- Энди муборакликлар “Навбаҳор” билан ўзаро ўйинларда 13 ғалабага эга бўлишди.