Мартинес: “Россия хавфли рақиб эканлигини билардик. Уларда Дзюба ва яна бир қатор кучли футболчилар бор”

-Жамоангиз ғалаба қозонди, аммо Кастань сафдан чиқди. Таассуротларингиз қандай?

-Ҳар қандай турнирда илк ўйин қийин кечади. 90 дақиқа концентрацияни йўқотмаслик муҳим эди. Кастань жиддий жароҳат олгани ёқимсиз ҳолат албатта. У турнирни ўтказиб юборишга мажбур.

-Россия термасининг тўртта ҳимоячи билан тўп тепгани сизни ҳайрон қолдирдими?

-Биз руслар билан уч марта куч синашдик. Шу ўйинларнинг бирида Черчесов тўрт ҳимоячи билан ҳаракатланганди. Биз бунга тайёр эдик ва бу биз учун “сюрприз” бўлгани йўқ. Рақибимиз сафида Дзюба ва яна бир қатор жисмоний жиҳатдан кучли футболчилар борлигини ва улар исталган пайт дарвозамизга таҳдид сола олишини билардик. Шу боис шунга мос тарзда тайёргарлик кўргандик.

-Меньенинг ўйини ҳақида нима дея оласиз?

-У ажойиб ўйин кўрсатди. Янги мусобақани бошлаш, уни устига сафарда тўп тепиш қийин иш. Захирадан майдонга тушиб, ўйинга қўшилиб кетиш унданда қийинроқ вазифа. Менье ўйинга ажойиб тарзда қўшила олди ва ғалабага муносиб ҳисса қўшди. Футболчим билан фахрланаман.

-Жамоа Эриксен ҳақидаги хабарга қандай муносабатда бўлди?

-Воқеани эшитиб, хафа бўлдик. Жамоа майдонга чиқишига беш дақиқа қолганида бундан хабардор бўлдик. Бу каби ҳолатлардан кейин ҳеч ким футбол ҳақида гапиришни истамасди. Тоби, Вертонген, Лукаку Эриксен билан бирга тўп тепишган.

Унга мустаҳкам соғлик тилаб қоламан. Бундай хабарларни эшитиш оғир. Унинг ҳозир аҳволи анча яхши эканлиги қувонарли ҳолат.