Маротта "Интер"га МЮ ва "Арсенал" футболчилари кераклигини тасдиқлади

"Арсенал" ва МЮ ҳимоячилари Эктор Бельерин ҳамда Алекс Теллес "Интер" қизиқишлари доирасига тушиб қолди. Буни клуб бош директори Жузеппе Маротта ҳам тасдиқлади.

"Бельеринни анчадан буён кузатиб юрибмиз. Теллес борасида ҳам режаларимиз бор. Агарда имконият бўлса, бундан фойдаланамиз. Айни дамда биз асосий футболчиларимизни сақлаб қолишни ўйлаяпмиз. Ҳаммаси аниқ бўлганидан кейингина футболчиларни таркибга қўшиб олиш борасида ҳаракатни бошлаймиз", - деди мутахассис.