Марко Станоевич: "ОЧЛда ўйнаш ёш футболчиларимиз ўзларини кўрсатишлари учун ажойиб имконият бўлади"
16 мар 2022 01:01
Новости

Марко Станоевич: "ОЧЛда ўйнаш ёш футболчиларимиз ўзларини кўрсатишлари учун ажойиб имконият бўлади"

Қаршининг "Насаф" клуби плей-офф ўйинида БААнинг "Банияс" клубидан 2:0 ҳисобида устун келиб, ОЧЛ гуруҳ босқичига йўл олди.

"Насаф" футболчиси Марко Станоевич ушбу ғалабадан сўнг ўз фикрлари билан ўртоқлашди.

"Биз учун катта ўйин бўлди. ОЧЛда ўйнаш ёш футболчиларимиз ўзларини кўрсатишлари учун ажойиб имконият бўлади. Бугун биз қийин рақибга қарши майдонга тушдик. Ўз ўйинимизни намойиш қилишга ҳаракат қилдик. Кучли ва комбинацион ўйинга асосланган футболни. Қийинчиликка дуч келган бўлсак ҳам, ўйин якунида гол ўтказмасдан ғалаба қозондик. Бу эса муҳим эди. Бугун фақатгина ғалаба ва ОЧЛда ўйнаш ҳақида ўйладим. Якунда ўз мақсадимизга эришдик", -дейди Марко Станоевич.

Маълумот учун, қаршиликлар энди ОЧЛнинг "E" гуруҳида иштирок этишади. Рақиблар - "Ал Садд" (Қатар), "Ал Файсали" (Саудия Арабистони) ва "Ал Виҳдат" (Иордания). Гуруҳ босқичи учрашувлари 7-27 апрель кунлари Саудия Арабистонининг Даммам шаҳрида бўлиб ўтади.

Ссылка :

Источник : championat.asia

Получайте новости прямо в Telegram!

Рейтинг: +25