Марк Вильмотс: "Эрон ҳужумкор футбол кўрсатишдан қўрқмайди"

Бельгиялик мутахассис ўз интервьюсида Эрондаги дастлабки кунлари қандай кечгани ҳамда терма жамоа ҳақида гапириб берди. 

- "Эронда иқтидорлар жуда кўп экан. Масалан, терма жамоа дарвозабони Алиризо Бейранванд Европанинг исталган клубида ўйнаб кета олади. Бизда шунингдек 18 ёшли ҳужумчи ҳам бор. У - Оллоёр Сайядманеш, яқинда "Фенербаҳче" билан шартнома тузди. Бу футболчи 2017 йил ФИФА U-17 жаҳон чемпионатида Германия дарвозасига иккита тўп киритганди. Сурияга қарши ўртоқлик учрашувида Оллоёр захирадан тушиб шу заҳоти гол урди". 

- "Лекин барибир савол туғиляпти: бизнинг ўйин услубимиз қандай кўринишда бўлади? Албатта, сен учта машғулотда ҳеч нарсани ўзгартира олмайсан. Лекин шуни айтишим мумкин, Эрон ҳужумкор футбол кўрсатишдан қўрқмайди. Жанубий Кореяга қарши ўртоқлик учрашувида биз 16 марта хавфли вазият яратдик. Ёшлар секин-аста жамоа ўйинига мослашиб бормоқда". 

- "Менга янги давлатларни кашф қилиш ёқади. Эрон жуда тинч мамлакат экан. Шу пайтгача Европа ва Африкада ишладим, энди Осиёда ўзимни кўрсатмоқчиман. Менга Теҳрон ёқди, ҳаммаёқда гуллар. Терма жамоа машғулот базаси тоғ ёнбағрида жойлашган. Бу жуда зўр". 

- "Тўғриси, сиёсат ҳақида гапиришни ёқтирмайман. Эрондаги сиёсий вазиятни муҳокама қилмоқчи эмасман ҳам. Мен мураббийман, яхшиси футбол ҳақида гаплашамиз. Фақат шуни айтишим мумкин, Эронда одамлар Европадаги баъзи жойларга қараганда анча тинч яшайдилар" - дея айтиб ўтди Марк Вильмотс.