RU

Последние новости

01:27Камолиддин Тожиев: "Пахтакор"га қарши барча рақиблар 200%га ўйнайди"  0 00:41Левченко: "Пахтакор" нима қилди? Фақат ҳимояланди-ку"  13 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   34 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  221 20:00"Қўқон-1912" "Қизилқум"нинг мағлубиятсиз сериясига чек қўйди  12 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21 16:57Пепе Ла Лигада ойнинг энг яхши футболчиси деб топилди. "Вильярреал" форварди Ямал ва Мбаппени ортда қолдирди  0 16:28"Манчестер Сити" "Барселона" ярим ҳимоячисини нишонга олди  2 15:19ЎзЭл Классикосига превью  15

Марат Мифтахуддинов: “Бош мураббийнинг йўқлиги йигитларга таъсир ўтказиши керак эмас” Новости

Марат Мифтахуддинов: “Бош мураббийнинг йўқлиги йигитларга таъсир ўтказиши керак эмас”

Хабарингиз бўлса керак, кеча биринчи лиганинг иккинчи босқич, 13-тур ўйинлари бўлиб ўтди.
Унда муддатидан олдин олий лига йўлланмасини қўлга киритган “Машъал” кутилмаганда, “НБУ-Осиё”га имкониятни бой берди. Тошкентда ўтган ўйинда, “газчилар”ни майдонга ёрдамчи мураббий Марат Мифтахуддинов олиб тушди. Боиси “Машъал”нинг россиялик мураббийи Александр Хомяков бундан бир неча кун илгари юртига бориб келиш учун жўнаб кетганди.

Бу ҳам қайсидир маънода, “Машъал” футболчиларига таъсир ўтказган кўринади. Учрашувдан сўнг, Мифтахуддинов билан суҳбатлашдик.

- Марат Валентинович, “Машъал” олий лига йўлланамасини муддатидан олдин қўлга киритган бўлсада, 13-турга келиб, кутилмаганда, “НБУ-Осиё”га имкониятни бой берди. Бу мағлубият кўпчилик учун шубҳали кўринди. Омадсизликни қандай изоҳлайсиз?
- Футбол шундай ўйинки, унда ғалаба ва мағлубият доимо ёнма-ён юради. “НБУ-Осиё”нинг ҳам ўйинга жиддий тайёргарлик кўрганлиги билиниб турди. Рақиб охирги учрашувга тушгандек, туюлди. Биз ҳам ҳар галгидек, бу баҳсга жиддий қараб, пухта тайёргарлик кўргандик. Аммо якунда мағлубиятга учрадик. Тўғри, бу кўпчилик учун кутилмаган натижа бўлди. Футбол шундай кутилмаган сюрпризлари билан қизиқ.

- Ўйин ҳақида нима дейсиз?
- Учрашувдаги устунлик тўлиқ жамоамиз томонида бўлди. Гол уриш учун бир қатор имкониятлар юзага келтирилди. Аммо улардан унумли фойдаланишга келганида, йигитларга совуққонлик етишмади. Икки бор дарвоза устуни мезбонларни муқаррар голлардан сақлаб қолди. Шунингдек, жарима тўпларидан ҳам оқилона фойдалана олмадик.

“НБУ-Осиё” ҳам яхши жамоа. Лекин уларнинг ҳимоячилари тўпни олиши биланлқ, кўпинча олдинга тепиб юборишди. Олдиндаги ўйинчилари хавфли вазият яратишга ҳаракат қилишади, ўхшаса, ўхшаб қолади, аксинча бўлса, ўйинни яна шундай давом эттиришди. Мағлубиятнинг яна бир сабаби деб майдоннинг холатини айтган бўлар эдим. Муборак ва Андижонда қандай сифатли майдонлар борлигини ўзингиз яхши биласиз. “НБУ-Осиё” майдони эса мазмунли ва комбинацион ўйнаш имконини бермайди. Мезбонлар бу майдонда ўйнайвериб, мослашиб қолган экан.   

- Ушбу ўйиндан бир неча кун олдин, бош мураббий Хомяков юртига, яъни Россияга бориб келиш учун уйига кетганидан хабаримиз бор. Айтингчи, унинг йўқлиги учрашувда қанчалик билинди?
- Тўғри, бош мураббийимиз уйига кетган. Лекин биласизми, унинг йўқлиги футболчиларга катта таъсир ўтказиши керак эмас. Сабаби йигитларнинг барчаси профессионалдир. Улар майдонга чиқиб, нима қилиш кераклигини жуда яхши билади. Шунингдек футболчилар ғалаба орқали яхшигина мукофот пули ҳам олишади.

- Ўйиндан олдин, йигитларнинг руҳий тайёргарлиги қандай эди?
- Ҳаммаси яхши эди. Одатдагидек, ҳозирлик кўрилганди. Футболчиларга тушунтирдик, гарчи вазифани бажарган бўлсакда, мақсадимиз биринчи ўринни эгаллаш эканлигини. Аммо майдонга чиқиб келгач, уларнинг мияларида, рақибни осонликча ютамиз деган фикр бўлган чоғи. Ҳудди “Оқ-тепа” билан ўйиндаги холат бўлди дейиш мумкин. Ўшанда футболчиларимиз ўз кучларига ортиқча ишониб юборишганди. Бу гал ҳам шундай бўлди.

- Жамоа олий лига йўлланмасини қўлга киритганидан кейин ҳам, ғалаба учун мукофот пуллари берилмоқдами?
- Ҳа, албатта. Вазифа бажарилганидан кейин ҳам ҳар бир ғалаба учун йигитларга мукофот пуллари берилади. Жумладан “НБУ-Осиё” билан ўйиндаги муваффақият учун ҳам мукофот бор эди.

- Олдинда яна учта тур қолди. Эътиборлиси уларнинг барчасида, “Машъал”га Тошкент жамоалари рақиблик қилади...
- Ҳа, энг яқин ўйинимиз бу “Истиқлол”га қарши баҳсдир. Бу жамоа ҳам учрашувга пухта ҳозирлик кўриши аниқ. Ундан кейин эса ўз майдонимизда “Оқ-тепа” ва “Пахтакор-2”ни қабул қиламиз. Нима бўлган тақдирда ҳам бу йилги чемпионатни биринчи ўринда якунламоқчимиз.

Исломбек Рустамбеков суҳбатлашди.
Рейтинг:    

Комментарии

championat.asia
< посмотреть последние новости
Яндекс.Метрика