"Манчестер Юнайтед"га "Ростов" футболчиси керак
13 июн 2020 22:10
Новости

"Манчестер Юнайтед"га "Ростов" футболчиси керак

МЮ "Ростов" ярим ҳимоячиси Матиас Норманнга қизиқиш билдиряпти, деб хабар қилди Daily Express.

"Қизил иблислар" раҳбарияти марказий ярим ҳимоя чизиғини Донни ван де Бек ("Аякс"), Жек Грилиш ("Астон Вилла") ёки Саул Ньигес ("Атлетико") билан кучайтирмоқчи эди. Аммо молиявий инқироз ҳолатида нисбатан арзонроқ Матиас Норманн номзоди МЮ учун қизиқроқ туюлиши мумкин.

"Ростов" 24 ёшли хавбекни 15-20 млн фунт эвазига қўйиб юбориши мумкинлигини маълум қилган. Маълумот учун, Матиаснинг рус клуби билан шартномаси 2024 йилнинг ёзига қадар амал қилади. Норвегиялик футболчи Россия чемпионатининг жорий мавсумида 19та ўйин ўтказди ва 1 гол, 3та голли узатмага муаллифлик қилди.

Таъкидлаш лозимки, Норманн учун инглиз футболи бегона эмас. У 2017-2019 йилларда "Брайтон" таркибида тўп тепганди.

Ссылка :

Источник : Daily Express

Получайте новости прямо в Telegram!

Рейтинг: +8