RU

Последние новости

13:58Вардининг эҳтимолий янги клуби маълум  0 13:37"Қўқон-1912" Тошкентда "Бунёдкор"га қарши беллашувда камбэк қайд этган ўйиндан ФОТОГАЛЕРЕЯ  2 12:58"Чикаго Файр" Де Брюйне билан музокаралар олиб бормоқда  0 12:35Симеоненинг журналистнинг Баэна ҳақида гапириш илтимоси ҳақида: "Мени аҳмоқ деб ўйлаяпсиз. Жамоангизда ўйнамаётган одам ҳақида гапириш мумкин эмас"  0 12:04Андро Гиоргадзе: "Ҳатто дуранг ҳам биз учун яхши натижа эди, лекин ғалаба қозонишни уддаладик"  1 11:47Асадбек Раҳимжонов: "Гувоҳи бўлдингиз, ҳакамлар йўқ жойдан пенальти белгилашди"  5 11:30Аслиддин Тоштемиров: "Биз осонликча ютқазмаймиз. Ютқазадиган жамоа ҳам эмасмиз"  0 11:03Темурхўжа Абдухолиқов: "Мағлубиятга мен сабабчи бўлдим"  5 10:46Алишер Салимов: "Хоҳ ОКМК бўлсин, хоҳ "Насаф", ғалаба учун майдонга тушамиз"  4 10:31"Фаолиятим бошқача бўлиши мумкин эди". Илёс Зейтуллаев Италия А Сериясида мустаҳкам ўрнашиб қола олмаганининг сабабини айтди  7 10:15Арда Гюлернинг 50-учрашуви «Реал»га «қиммат»га тушди  5 09:40Виктор Гёкерешнинг навбатдаги жамоаси деярли маълум  10 09:06Аббосбек Файзуллаев: «Ҳали имкониятимиз бор»  4 08:35Sofascore. Шукуров энг катта баҳолардан бирига лойиқ кўрилди  6 08:09Гвардиола «Сити»нинг муваффақиятсизликларига олиб келган хатосини айтди  15

"Манчестер Юнайтед" учун Каталонияда йирик ҳисобда мағлуб бўлмаслик ҳам яхши натижа" - Андрей Канчельскис Новости

"Манчестер Юнайтед" учун Каталонияда йирик ҳисобда мағлуб бўлмаслик ҳам яхши натижа" - Андрей Канчельскис

"Championat.asia" журналисти Шаҳбоз Беғамов "Манчестер Юнайтед" афсонаси, айни пайтда Наманганнинг "Навбаҳор" жамоасини шуғуллантираётган мутахассис Андрей Канчельскисдан "Олд Траффорд"даги кечаги ўйин ва Сульшернинг тайинлови ҳақида сўради.

"Кечаги ўйин ҳақида қисқача гапирадиган бўлсам, ҳаммаси ҳаққоний ва адолатли бўлди. Ўйин бобида "Барселона" бир бош устунлик қилди. Натижа ҳам шунга яраша. "Манчестер Юнайтед" жорий мавсумдаги кучини сарфлаб бўлди. Мавсум жуда ёмон бошланди. Кейин Моуринью истеъфога чиқарилди. Жамоа маълум вақт чуқурликда эди ва бундан чиқишни ҳам уддалади. ЕЧЛда эса ПСЖ билан жавоб ўйинида омад кулиб боқди.

"Барселона" маҳорат бўйича "Манчестер Юнайтед"дан анча устунлиги кўринди. Буни шунчаки очиқчасига тан олиш лозим. Аччиқ, лекин ҳақиқат. Албатта, "Манчестер Юнайтед" учун қайғурдик, лекин ҳозирги ҳолатни тўғри баҳолаш лозим. "Барселона" кучлилиқ қилди ва ҳақли равишда ғалаба қозонди. Бу ерда ортиқча саволларга ўрин йўқ", - деди Канчельскис.


Каталониядаги жавоб беллашувида "Манчестер Юнайтед"нинг имкониятлари мавжудми, деган саволга мутахассис қуйидаги жавобни берди:

"Имконият доим бўлади. Айниқса Европа Чемпионлар лигасида "камбэк" жуда кўп руй беради. Лекин тан олиш керак, "Манчестер Юнайтед" буни амалга ошириши жуда мушкул масала. "Барселона" бу ПСЖ эмас. Каталония жамоасида барқарорлик мавжуд. Улар ЕЧЛда, муҳим ўйинларда қандай ўйнаш таъмини олишган. "Манчестер Юнайтед" эса мавсум давомида бор кучини сарфлаб бўлди. Ортиғини кутиш ярамайди. Каталонияда дуранг билан қайтиш ҳам муваффақиятга айланади. Муҳими, жавоб баҳсида йирик ҳисобда ютқазмаслик ҳам яхши натижа", - деди Канчельскис.


"Манчестер Юнайтед" раҳбарияти Сульшер тайинловида адашмадими? Мазкур саволга "Манчестер Юнайтед" афсонаси қуйидагича жавоб қайтарди:

"Ҳаммасини вақт кўрсатади. Ҳозир ҳар хил вариантларни келтириш мумкин: Адашдими ёки йўқ. Сульшер келибоқ жамоани ўзгартирмадими, ҳеч нарсани бузмади. Тўғри қилди. Янги мавсумда эса жамоани буткул ўзининг услубига монанд тайёрлайди. Янги ғояларини энди амалга оширишга уриниб кўриши мумкин. Аввал эса мавсумни кучли тўртталикда якунлаш миссиясини бажармоғ лозим. Муҳими, келаси мавсум ЕЧЛга йўлланма берувчи чиптани қўлга киритиш. Раҳбарият Сульшерда адашдими ёки йўқ, буни келаси мавсумда кўрамиз", - дея "Манчестер Юнайтед" ҳақидаги фикрларини якунлади Андрей Канчельскис. 

Рейтинг: +25   

Комментарии

championat.asia
< посмотреть последние новости
Яндекс.Метрика