"Манчестер Юнайтед" тен Ҳаг билан шартномани узайтирмоқчи

"Манчестер Юнайтед" тез орада Эрик тен Ҳаг билан янги шартнома бўйича музокараларни бошлайди, дея хабар берди "90 min". 

Қолаверса, нидерландиялик мураббий билан тузилган амалдаги шартномани қисқа муддатли деб бўлмайди – у 2025 йилнинг ёзида тугайди, лекин яна бир мавсумга узайтириш имконияти билан.

"Манчестер Юнайтед"нинг жорий мавсуми яхши бошлангани йўқ. Бироқ ўтган мавсум Эрик тен Ҳаг Лига Кубогини қўлга киритди (клубнинг 2017 йилдан бери биринчи кубоги) ва "қизил иблислар"ни Чемпионлар Лигасига қайтарди. Бундан ҳам муҳими, "Манчестер Юнайтед" раҳбарияти мутахассисни клубнинг янги лойиҳасида асосий фигура сифатида кўрмоқда.